Në vijim të takimeve ndërgjegjësuese për Tetorin Rozë, dje u zhvillua një aktivitet i rëndësishëm në ambientet e Shkollës Lasgush Poradeci. Pjesëmarrësit përfshinin mjekë dhe specialistë nga Instituti i Shëndetit Publik, NjVKSH-ja e Tiranës dhe Qendra Shëndetësore nr. 6 si dhe stafin mësimor, psiko-social dhe shëndetësor të shkollës.
Takimi gjithashtu përfshiu prindër të nxënësve, të cilët ndanë eksperienca personale dhe përjetime lidhur me temën e kancerit të gjirit. Pjesëmarrësit kishin mundësinë të bënin pyetje mbi dallimin mes vetëkontrollit, ekografisë dhe mamografisë, duke theksuar rëndësinë e informimit dhe të ndërgjegjësimit për këtë temë.
Ky takim ishte një hap tjetër drejt forcimit të lidhjeve brenda komunitetit dhe përmirësimit të njohurive rreth shëndetit.
#iavlentejetosh
