Java Botërore e Ndërgjegjësimit Antimikrobik 2020
- This event has passed.
Description
Antimikrobikët – Përdorini me kujdes!
Çdo vit, Java Botërore e Ndërgjegjësimit Antimikrobik (AMR)synon të rrisë ndërgjegjësimin në nivel botëror për rezistencën antimikrobike (AMR), dhe të inkurajojë praktikat më të mira midis popullatës së përgjithshme, profesionistëve shëndetësorë dhe politikbërësve për të ndaluar shfaqjen dhe përhapjen e mëtejshme të infeksioneve rezistente ndaj medikamenteve.
Këtë vit ne e kemi zgjeruar fokusin e fushatës nga antibiotikët tek të gjithë antmikrobikët pasi rezistenca vazhdon të rritet në një gamë/numër më të madh të medikamenteve.
Tema për Javën Botërore të Ndërgjegjësimit Antimikrobik 2020 është:
“Të bashkuar për të ruajtur antimikrobikët“
Çfarë është rezistenca antimikrobike?
AMR-ja ndodh kur bakteret, viruset, kërpudhat dhe parazitët ndryshojnë me kalimin e kohës dhe nuk reagojnë më ndaj medikamenteve, duke e bërë më të vështirë trajtimin e infeksioneve të zakonshme dhe duke rritur rrezikun e përhapjes së sëmundjes apo rëndimit të sëmundjes dhe vdekjes.
Në mbarë botën, shumë faktorë kanë përshpejtuar kërcënimin e AMR-së – duke përfshirë këtu përdorimin e tepruar dhe keqpërdorimin e medikamenteve te njerëzit, në blegtori dhe bujqësi, si dhe qasjen e pamjaftueshme në ujë të pastër, kanalizime edhe higjienë.
Së bashku me tre partnerët tanë, Organizatën e Kombeve të Bashkuara për Ushqimin dhe Bujqësinë (FAO) dhe OrganizatënBotërore për Shëndetin e Kafshëve (OIE), ne u bëjmë thirrje të gjithëve sektorëve të shoqërisë për t’u mbledhur rreth një axhende të unifikuar për të mposhtur këtë kërcënim që po zhvillohet në shëndetin e mbarë botës.
Pse po rritet AMR?
