10 Tetori, Dita Botërore e Shëndetit Mendor

Description

• 10 Tetori

  Dita Botërore e Shëndetit Mendor 

  “Ndihma e parë psikologjike” 

  Organizata Botërore e Shëndetësisë ka përcaktuar 10 tetorin e çdo viti si Ditën Botërore të Shëndetit Mendor, si një mundësi për të rritur ndërgjegjësimin për çështjet e shëndetit mendor dhe përpjekjet e mobilizuara në mbështetje të shëndetit mendor në mbarë botën.

  Këtë vit, slogani i vendosur për Ditën Botërore të Shëndetit Mendor është “Ndihma e parë psikologjike”, duke vënë theksin te ndihma e parë psikologjike dhe mbështetja që njerëzit mund të japin për personat që kalojnë një periudhë të vështirë të shëndetit mendor.

  Në një kontekst global, kur ndodhin kriza humanitare është e nevojshme që në kohën e duhur të vijë mbështetja dhe ndihma e parë psikologjike. Por ngjarjet e krizës nuk kufizohen vetëm në ngjarjet që japin mediat. Në shumë vende dhe çdo ditë, njerëzit përjetojnë kriza personale, nga ato më të lehta si humbja e të dashurit apo një situatë stresuese në punë, deri tek ato më të rënda si përjetimi i sëmundjeve të rënda fizike.

  Ka njerëz që fatkeqësisht përjetojnë abuzim dhe/ose dhunë, të cilat rrisin stresin dhe mundësinë e zhvillimit të problemeve të shëndetit mendor. E gjithë shoqëria duhet të jetë e vetëdijshme lidhur me nevojën e sigurimit të mbështetjes së duhur, kur njerëzit përjetojnë stresin për shkak të ngjarjeve traumatike, si në nivel global ashtu edhe në atë individual

  Parimi i ndihmës së parë psikologjike është se, dikush apo të gjithë mund të ndërhyjnë për të ndihmuar dikë dhe të shohin nëse ka nevojë për ndihmë profesionale. Të gjithë, në një moment të caktuar, mund të kenë nevojë për të rifituar besimin te vetja dhe te të tjerët.

  Kur në komunitetet tona ndodhin ngjarje të tmerrshme, çdokush mund të ndihmojë personat që janë prekur. Prandaj është e nevojshme të ketë informacion lidhur me ndihmën e parë psikologjike, në mënyrë që të ofrohet mbështetje për njerëzit në nevojë që janë të pikëlluar. Slogani i Ditës Botërore të Shëndetit Mendor, është të fokusohet në mbështetjen psikologjike nga njerëz që e gjejnë veten në rolin për të ndihmuar ata persona që po përballen me një situatë të vështirë, përfshirë këtu puonjës të stafeve shëndetësore, mësues, zjarrfikës, punonjës të komunitetit, policë, etj. Kujdesi shëndetësor nuk përbëhet vetëm prej ndihmës së parë fiziologjike, por duhet të mbështetet edhe nga ndihma e parë psikologjike. Në të vërtetë, investimi në ndihmën e parë psikologjike është pjesë e një përpjekjeje afatgjatë për të siguruar mbështjetje për të gjithë ata persona që janë në rrezik akut për shkak të një krize apo një gjendjeje të vështirë. Po ashtu, është shumë e rëndësishme që kur ata kanë nevojë për ndihmën e parë psikologjike, të marrin mbështetje shtesë të avancuara në kontekstin e shëndetit mendor dhe shërbimeve sociale. 

  Statistika per vitin 2015 dhe 6mujori i I-rë i 2016 për shëndetin mendor

  1. Qendrat komunitare të Shëndetit Mendor Tiranë

  Viti 2015

  SHERBIMI I TE RRITURVE

  Vizita gjithsej  ne qender-19765

  Raste  te  reja-4849

  Vizita  shtepie-208

  Vizita rikontroll, konsulta me perdorues dhe familjare-10779

  SHERBMI I FEMIJEVE ( ADOLESHENTEVE)

  Vizita  gjithsej-3964

  Vizita te para-819

  Persona te kartelizuar 5487

  6 mujori i parë i 2016

  SHERBIMI I TE RRITURVE

  Vizita gjithsej  ne qender-11522

  Raste  te  reja-3515

  Vizita  shtepie-130

  Vizita rikontroll, konsulta me perdorues dhe familjare-6071 

  SHERBMI I FEMIJEVE ( ADOLESHENTEVE)

  Vizita  gjithsej-1990

  Vizita te para-229

  Persona te kartelizuar 5553

           2.Sherbimet e Shendetit Mendor Vlore

  Shërbimi me shtretër;

  Shtrime 2015 – 646

  Raste te reja 2015 -243

  Shtrime 2016 (6-mujori i pare)—380

  Raste te reja 2016 (6-mujori i pare)—131

  Qendra Komunitare e Shendetit Mendor

  Vizita 2015- 146

  Raste te reja 2015- 349

  Vizita 2016 (6-mujori i pare)-88

  Raste te reja 2016 (6-mujori i pare)- 99

          3.Sherbimet e Shendetit Mendor Elbasan

  Shërbimi me shtretër;

   Shtrime 2015-405

  Raste te reja 2015-109

  Shtrime 2016 (6-mujori i pare)-238

  Raste te reja 2016 (6-mujori i pare)—66

  Qendra Komunitare e Shendetit Mendor;

  Vizita 2015- 4340

  Raste te reja 2015- 196

  Vizita 2016 (6-mujori i pare)-4600

  Raste te reja 2016 (6-mujori i pare)- 116

         4.Qendra Komunitare e Shendetit Mendor Berat

  Vizita 2015- 2136

  Raste te reja 2015- 200

  Vizita 2016 (6-mujori i pare)-1194

  Raste te reja 2016 (6-mujori i pare)- 102

          5.Qendra Komunitare e Shendetit Mendor Korce

  Vizita 2015- 10916

  Raste te reja 2015- 927

  Vizita 2016 (6-mujori i pare)-7453

  Raste te reja 2016 (6-mujori i pare)- 155

  6. Shërbimet e Shëndetit Mendor Shkoder

  Shërbimi me shtretër;

  – Për vitin 2015 shërbime të ofruara(shtrime, vizita, urgjenca 24 oreshe)- 1627

  – Për 6 mujorin e pare 2016 shërbime tëofruara(shtrime, vizita, urgjenca 24 oreshe) – 998

  Qendra Komunitare e Shendetit Mendor;

  – Vizita 2015- 12229

  – Raste te reja-1032

  – Vizita 2016 (6-mujori i pare)- 5280

  – Raste te reja 2016 (6-mujori i pare)- 468