Dita Botërore e Ndihmës së Parë – 12 shtator 2020
- This event has passed.
Description
Dita Botërore e Ndihmës së Parë – 12 shtator 2020
Tema e kësaj Dite është: “Ndihma e parë shpëton jetë”.
Dita Botërore në fjalë, është një fushatë vjetore për të promovuar rëndësinë e trajnimit të ndihmës së parë në parandalimin e lëndimeve dhe shpëtimin e jetës.
Ndihma e parë (e menjëhershme), është kujdesi që i jepet kujtdo që vuan nga një sëmundje e lehtë ose dëmtim serioz për të ruajtur jetën, për të parandaluar përkeqësimin e gjendjes dhe nxitur shërimin.
Qëllimi i ndihmës së parë është minimizimi i dëmtimit dhe paaftësisë në të ardhmen. Në raste serioze, ndihma e parë mund të jetë e nevojshme për ta mbajtur të dëmtuarin në jetë, para se të vijë trajtimi më i specializuar.
Qëllimet kryesore të Ndihmës së Parë janë:
. ruajtja e jetës;
. parandalimi i përshkallëzimit të sëmundjes ose dëmtimit;
. nxitja e riaftësimit;
. lehtësimi i dhimbjeve;
. mbajtja në vetëdije.
Dita Botërore e Ndihmës së Parë është lehtësisht e kremtueshme. Ju duhet të dini se si përdoret një çantë e ndihmës së shpejtë, e cila është jetike gjatë emergjencave. Trajnimi i ndihmës së shpejtë tani mund të mësohet lehtësisht përmes mjeteve të internetit. Ju duhet ta shfrytëzoni këtë Ditë Botërore në një mënyrë pozitive duke mësuar dhe përhapur rëndësinë e ndihmës së parë. Ju mund të postoni dhe shpërndani në mediat sociale duke përdorur hashtagun #WorldFirstAidDay .
